გიწვევთ “ბათუმის ევროპული კაფეზე”

kafe

ინტერნიუსი-საქართველო იწვევს აჭარის სკოლების დამამთავრებელი კლასების მოსწავლეებს და სტუდენტ-ბაკალავრებს ღონისძიებაზე „ბათუმის ევროპული კაფე“, რომელიც 26 თებერვალს, 12 საათზე ბათუმში გაიმართება. შეხვედრის ადგილია ბათუმის "ლიტერატურული კაფე", კ.გამსახურდიას 18.

"ბათუმის ევროპული კაფე" ითვალისწინებს ილიას უნივერსიტეტის პროფესორის თორნიკე გურულის ლექცია-ტრენინგს თემაზე - "იდეები სოციალური ჩართულობისთვის" და საერთაშორისო განათლების ცენტრის და EducationUSA-ს მრჩევლის დალი ხომერიკის საუბარს თემაზე "საერთაშორისო განათლების შესაძლებლობები".

ღონისძიების ფარგლებში მონაწილეები შეიძენენ საზოგადოებისთვის მნიშვნელოვანი პრობლემების იდენტიფიცირების და მათი გადაჭრის მიზნით სოციალური ინიციატივების დაგეგმვის უნარებს. ისინი ასევე გაეცნობიან საქართველოს და მის ფარგლებს გარეთ არსებულ საგანმანათლებლო შესაძლებლობებს.

ღონისძიება ტარდება პროექტის „დამოუკიდებელი მედიის გაძლიერება საქართველოში, მოლდოვასა და უკრაინაში“ ფარგლებში, რომელსაც ინტერნიუსი-საქართველო ახორციელებს ამერიკულ ინტერნიუსთან ერთად აშშ მთავრობის დაფინანსებით. პროექტის მიზანია გაზარდოს ხარისხიანი ინფორმაციის ხელმისაწვდომობა და განავითაროს დამოუკიდებელი მედია საქართველოში, მოლდოვასა და უკრაინაში.

ტრენინგში მონაწილეობის მისაღებად კანდიდატმა უნდა მიმართოს შესაბამისი წერილით ინტერნიუსი-საქართველოს 2017 წლის 23 თებერვლის 18:00 საათამდე. წერილის გადაგზავნა შეიძლება ელექტრონული ფოსტით მისამართზე: shorena@internews.ge. შეიძლება ასევე პროექტის კოორდინატორთან -- შორენა ქოჩიაშვილთან ტელეფონით დაკავშირება (მობ: 598 404 401, ტელ: +995 32 2923396/97) ან თამარ მამეიშვილთან tamarmameishvili@gmail.com 599 496630

დღის წესრიგი

11:30 მისალმება, გაცნობა
12:00 – 13:00 ბლოკი I - თორნიკე გურული, ლექცია-ტრენინგი თემაზე "იდეები სოციალური ჩართულობისთვის"
13:00 - 13:15 ყავა/ჩაი
13:15 - 14:00 - პრეზენტაციები
14:00 – 15.00 ბლოკი II - დალი ხომერიკი - საორიენტაციო სესია თემაზე “საერთაშორისო განათლების შესაძლებლობები”
15:00 – 16:00 სადილი